Австрија, Данска и Грција бараат „небирократско“ одобрување на вакцината на АстраЗенека
Данска, Грција и Австрија ќе побараат од Европската агенција за лекови (ЕМА) брзо и „небирократско“ одобрување на вакцината на АстраЗенека, изјави денеска австрискиот канцелар Себастијан Курц.
Тој рече дека е договорена заедничка акција со премиерите на Данска и Грција.
– АстраЗенека е вакцина што ја развиваат познати експерти, ЕМА ги има сите информации за таа вакцина од 12 јануари. За мене е важно да се залагаме за побрза одлука на ЕМА, објасни тој.
Курц побара итна, небирократска одлука за одобрување на вакцината. Тој потсети дека вакцината веќе се користи во Велика Британија и некои други држави.
Тој, исто така, посочи дека ЕМА требало да одржи седница на крајот на месецот во врска со одлуката за одобрување на вакцината на АстраЗенека.
– Секој ден е важен за нас. Новата мутирана варијанта е очигледно поефикасна, така што не става пред голем предизвик. Секој ден што се добива со побрзо одобрување на вакцината е ден во борбата против вирусот, нагласи тој. Курц, исто така, побара и ЕУ да донесе јасна стратегија во врска со патувањата, односно влез од држави вон Унијата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово