Апел за помош за 66 годишниот Трајко Николов од струмичкото село Добрејци
Во куќа без кров, без приклучок за струја и вода, во соба полна со влага, таван што прокиснува и подови од гол бетон, вакви се условите во кои го минува животот 66 годишниот Трајко Николов од струмичкото село Добрејци. Живее сам, а работа нема. Единствениот приход му се 6000 денари кои почнал да ги добива од државата пред неколку месеци. Благодарен е на помошта, но со неа едвај успева да ги обезбеди основните прехранбени намирници, за потребните лекови се снаоѓа како знае и умее.
Сакал и да работи, но поради возраста никој не сака да го ангажира. Немајќи друг излез решил јавно да побара помош од хуманите луѓе. Не бара многу, единственото што го сака е некој да му помогне да го направи кровот да се опреми собата за да добие основни услови за живот.
За тешките услови во кои живее Трајко сведочи и Спасо Јованов од Добрејци. Вели тој помага колку што може, но сепак не е доволно да се оспособи барем една соба за живот.
66 годишниот Трајко не обвинува никого за неговата состојба и не бара многу. единственото што го сака е некој да го слушне неговиот апел и му помогне конечно да се направи кров на куќата што започнал да ја гради пред две децении и да добие една пристојна соба за нормален живот.
-
Зоран Ѓоргиев
Сите содржини од овој новинар