Академија Пандев по непостоечки пенал го победи Силекс со 1:0

 

Имено, се играше последната минута од мечот кога по уфрлувањето на топката од левата страна во казнениот простор на гостите еден од домашните фудбалери реши да падне, а главниот судија Јосип Бартон како едвај да чекаше таква ситуација и без многу коилебање покажа на белата точка. 

 

Постоеше ли прекршок за најстрога казна најдобро се гледа од повторената снимка. 

 

Кратовци реагираа на ваквата одлука на судијата, но таа не беше променета, па Кире Маркоски овој „поклон“ од Бартон го претвори во гол за водство и победа на домаќините од 1:0. 

 

Од Силекс уште еднаш реагираат дека се мета на лоша и „криминална“ арбитража која се провлекува во неколку наврати, потсетувајќи на натпреварот во Струга кога на кратовци им беше поништен чист гол поради наводен офсајд, а во продолжението Силекс го загуби мечот од Стрига ТЛ со 2:0.