94.000 пациенти биле на превентивни прегледи - 173 со висок ризик за кардиоваскуларни заболувања

Кај 173-ца граѓани матичните лекари откриле многу висок ризик за срцев удар. Истите веднаш биле препратени на кардиолог. Меѓу нив имало само една жена. Тие се дел од околу  94.000 осигуреници на кои во првите шест месеци годинава преку проектот на Фондот за здравство им биле извршени превентивни прегледи за кардиоваскуларни, бубрежни заболувања.

- Овие лица потребно е да ги следат советите на лекарите, да имаат поздрава исхрана и поголема физичка активност. Потребно е осигурениците да намалат внес на соли, шеќери и мрсна храна изјави Сашо Стефаноски, директор на ФЗОМ.

Преку овој проект за превентивни прегледи опфатени се околу 664.000 граѓани од 35 -56 годишна возраст.